“Иргэндээ ээлтэй бүртгэлийн үйлчилгээ” аяны хүрээнд бүртгэлийн үйлчилгээг шуурхай хүргэх, иргэдэд хүрч үйлчлэн үйлчилгээний шат дамжлагыг бууруулах зорилгоор улсын бүртгэлийн явуулын үйлчилгээг 2026 оны 05 дугаар сарын 14-18-ны өдрүүдэд зохион байгууллаа.
Улсын бүртгэлийн явуулын үйлчилгээг улсын бүртгэгчгүй болон хуулийн этгээд, эд хөрөнгийн эрхийн улсын бүртгэл хөтлөгддөггүй сумдад төвлөрүүлэн ажиллав. Тухайлбал;
05 дугаар сарын 14-15-ны өдрүүдэд Бууцагаан суманд ажиллаж, иргэний улсын бүртгэлийн 13, хуулийн этгээдийн улсын бүртгэлийн 1, эд хөрөнгийн эрхийн улсын бүртгэлийн 27, нийт 28 бүртгэл хийж, 26 иргэнд зөвлөгөө мэдээлэл өгч, “Улсын бүртгэлийн цахим шилжилт, цаашдын зорилго” сэдэвт сургалт зохион байгууллаа. Сургалтад 35 орчим иргэд хамрагдав.
Мөн 05 дугаар сарын 18-ны өдөр Өлзийт суманд ажиллаж, иргэний улсын бүртгэлийн 7, хуулийн этгээдийн улсын бүртгэлийн 1, эд хөрөнгийн эрхийн улсын бүртгэлийн 7, нийт 25 төрлийн үйлчилгээ үзүүлж, 15 иргэнд зөвлөгөө мэдээлэл өглөө.
Түүнчлэн тус сумын “Суралцагч сум-2026” төслийн хүрээнд сонгогдсон 13 гэр бүлд “Хуулиа дээдлэе” зорилтот ажлын хүрээнд “Улсын бүртгэлийн байгууллагын цахим шилжилт, өнөөгийн байдал, цаашдын зорилт”, “Гэр бүлийн эрх зүйн харилцаа ба иргэний улсын бүртгэл”, “Эд хөрөнгийн эрхийн улсын бүртгэл”, “Хуулийн этгээдийн улсын бүртгэл” сэдвээр сургалт, мэдээлэл өгч, иргэдийн асуултад хариулан зөвлөгөө өгч ажиллалаа.
Ийнхүү явуулын үйлчилгээг газар дээр нь хүргэн ажилласан нь хөдөө сумдын иргэдийн талархлыг хүлээж, “иргэдийн цаг хугацаа, зардлыг хэмнэсэн, цаг үеэ олсон үр дүнтэй ажил боллоо” хэмээн олон иргэн сэтгэгдлээ илэрхийлснийг онцлон тэмдэглэх нь зүйтэй байна.
.jpg)
.jpg)
