Монгол Улсын Засгийн газрын 2008 оны 78 дугаар тогтоолоор Монгол Улсад бүртгэл, мэдээллийн нэгдсэн тогтолцоог бий болгох, төрийн үйлчилгээний чанар, хүртээмжийг сайжруулах,төрийн байгууллагуудын үйл ажиллагааны уялдаатай байдлыг дээшлүүлэх зорилгоор “Монгол Улсад бүртгэлийн нэгдсэн тогтолцоог бий болгох үндэсний хөтөлбөр”-ийг баталсан.Энэхүү хөтөлбөрийн хүрээнд Засгийн газрын 2008 оны 64 дүгээр тогтоолоор Иргэний бүртгэл, мэдээллийн улсын төв, Эд хөрөнгийн эрхийн улсын бүртгэлийн газар, Татварын ерөнхий газрын Улсын бүртгэлийн албыг нэгтгэн Тэргүүн шадар сайдын эрхлэх асуудлын хүрээнд Засгийн газрын хэрэгжүүлэгч агентлаг Улсын бүртгэлийн ерөнхий газрыг байгуулсан билээ. Улсын бүртгэлийн нэгдсэн тогтолцоог бий болгох эрх зүйн орчинг бүрдүүлэх, улсын бүртгэлийн нэгдсэн тогтолцоотой холбогдсон харилцааг зохицуулах зорилгоор Улсын бүртгэлийн ерөнхий хуулийг 2009 оны 6 дугаар сарын 25-ны өдөр Улсын Их Хурлаас баталсан.

Баянхонгораймгийн Улсын бүртгэлийн хэлтэс нь Бүргэл хяналт, Иргэний бүртгэл, Эд хөрөнгийн эрхийн бүртгэл, Хуулийн этгээдийн бүртгэлийнчиглэлээр 40 албан хаагчтайгаар бүртгэлийн үйлчилгээг хуулийн хүрээнд түргэн шуурхай чирэгдэлгүй явуулж байна.