“Aжлын байранд нийгэм-сэтгэл зүйн эрүүл орчинг бүрдүүлцгээе” уриан дор зохион байгуулагдаж буй “Хөдөлмөрийн аюулгүй байдал, эрүүл ахуйн аян-2026” аянд Баянхонгор аймгийн Улсын бүртгэлийн хэлтэс нэгдэн, зохион байгуулалтын арга хэмжээний удирдамж боловсруулж, хэрэгжилтийг ханган ажиллаж байна.
Удирдамжид тусгагдсан ажлын байрны дарамт, ялгаварлан гадуурхалт, ажилтнуудын сэтгэл зүйн эрсдэлээс урьдчилан сэргийлэх чиглэлээр нөлөөллийн ажлуудыг үе шаттайгаар хэрэгжүүлж байгаа бөгөөд энэ хүрээнд хамтын гэрээ байгуулах, гэрээний агуулгад байгууллагын ил тод, нээлттэй харилцааны орчныг бүрдүүлэх, сайжруулах, ажилтнуудын сэтгэл зүйн эрсдэлийг бууруулах, урьдчилан сэргийлэхэд чиглэсэн зохицуулалтыг тусгахаар ажиллаж байна.
Тус ажлын хүрээнд “Хамтын гэрээ байгуулахад анхаарах асуудал” сэдвийн хүрээнд аймгийн Үйлдвэрчний эвлэлийн хорооноос арга зүйн зөвлөгөө, мэдээллийн захиалгат сургалтыг авч, зохион байгууллаа.
Сургалтад 15 албан хаагч танхимаар, 9 албан хаагчид цахимаар оролцов.
Хэлтэс нь цаашид хөдөлмөрийн аюулгүй байдал, эрүүл ахуйн талаарх мэдлэг, хандлагыг төлөвшүүлэх, ажилтнуудын сэтгэл зүйн эрүүл орчинг дэмжих, эрсдлээс урьдчилан сэргийлэх ажлуудыг тогтмол зохион байгуулан ажиллах юм.
