“BAYANKHONGOR LEADERSHIP CONFERENCE – 2026” арга хэмжээ нь Баянхонгор аймгийн хөгжил дэвшилд хувь нэмрээ оруулах чин хүсэлтэй залуучуудыг нэгтгэн, хамтын ажиллагаа болон хамтач сэтгэлгээг төлөвшүүлж, бүтээмжийг нэмэгдүүлэхэд чиглэгдсэн бөгөөд тус арга хэмжээнд оролцогчид өөр өөрийн зорилго, санаачилгаа хуваалцаж, шинэ бодлого, шийдэл, боломжийг хэлэлцэн, олон талт өнцөг, туршлага, мэдлэг мэдээллээ солилцох боломжийг бүрдүүлэх зорилготойгоор 2025 оны 09 сарын 25-ны өдөр зохион байгуулагдлаа.
Тус арга хэмжээтэй хамтран Баянхонгор аймгийн Хөдөлмөр, халамжийн үйлчилгээний газраас хөдөлмөр эрхлэлтийн бодлого, үйл ажиллагаа болон нийтлэг үйлчилгээг олон нийтэд сурталчилж, ажилгүй болон ажил хайгч иргэдийг хэрэгцээт мэдээллээр хангах зорилгоор “Хөдөлмөрийн өдөрлөг–2025”, аймгийн Залуучуудын холбооноос залуучуудын гарааны бизнесийг дэмжих “Баянхонгор Startup–2025” өдөрлөгүүд тус тус зохион байгуулагдав.
Тус арга хэмжээний “ТӨР-БИЗНЕС-ИРГЭД, ОЛОН НИЙТИЙН ХАМТЫН АЖИЛЛЛАГААНЫ САЙН ТУРШЛАГЫГ ТҮГЭЭХ” зорилтын хүрээнд төрийн байгууллагын оролцооны манлайллыг үзүүлэн “BAYANKHONGOR LEADERSHIP CONFERENCE – 2026” болон залуучуудын гарааны бизнесийг дэмжих “Баянхонгор Startup–2025” өдөрлөгт Улсын бүртгэлийн хэлтсийг төлөөлөн Иргэний улсын бүртгэлийн тасгийн дарга бөгөөд улсын ахлах бүртгэгч П.Бүжинлхам, хуулийн этгээдийн улсын бүртгэгч Д.Отгонсүрэн нар оролцож, хэлэлцүүлэгт оролцогч талуудад бизнес эхлэхэд, бизнесээ аливаа эрсдлээс хамгаалахад арилжаа, бизнесийн харилцааг зохицуулсан хууль тогтоомжийг заавал судлан мэдэх нь чухал бөгөөд улсын бүртгэлд бүртгүүлэхэд анхаарах зүйлийн талаар, мөн улсын бүртгэлийн байгууллага бизнес эрхлэгчдэд хууль эрх зүйн сургалт, зөвлөгөө мэдээлэл өгөх чиглэлээр хамтран ажиллах боломжтой талаар мэдээлэл өглөө.
.
