Хөгжлийн бэрхшээлтэй иргэдэд үзүүлэх төрийн үйлчилгээний чанар, хүртээмжийг сайжруулах, төрийн үйлчилгээ авах тэгш боломжийг бүрдүүлэх нь төрөөс хүний эрхийн чиглэлээр хийж хэрэгжүүлэх зорилтод арга хэмжээний нэг билээ.
Тус зорилтод арга хэмжээг хэрэгжүүлэх ажлын хүрээнд Улсын бүртгэлийн байгууллагаас улсын бүртгэлийн зарим нэг үйлчилгээний талаарх мэдээллийг дохионы хэлээр хүргэх, хэлний болон сонсголын бэрхшээлтэй иргэдтэй дохионы хэлээр харилцаж төрийн үйлчилгээг хүргэх зорилгоор Дохионы хэлний хэлмэрч бэлтгэх ажлыг үргэлжлүүлэн зохион байгуулж байна.
Дохионы хэлний хэлмэрч бэлтгэхэд гол түшиц байгууллагын нэг аймгийн Боловсролын газартаа хүсэлт тавьж, дохион хэлний хэлмэрч бэлтгэхэд дэмжлэг үзүүлэн хамтран ажиллах талаар анхны хэлэлцээрийг хийж, улмаар өнөөдөр аймгийн Боловсролын газар, Баянхонгор сумын ЗДТГ-ын хамтран зохион байгуулсан “Тэгш боломжийг бүрдүүлэх замаар суралцахуйг дэмжих нь” сэдэвт сургалтанд хэлтсийн иргэний улсын бүртгэлийн тасгийн дарга бөгөөд улсын ахлах бүртгэгч П.Бүжинлхам, улсын бүртгэгч Э.Адъяабаяр нар хамрагдаж Дохионы хэлний хурууны 35 үсэг, мэндлэх хүндлэх, гэр бүлийн харилцан ярианы дохионы үсгийн сан, ажил мэргэжил, ажлын байран дээрх харилцан яриа, тоо, тооллогын дохион хэлний үгсийн сантай танилцаж, мэндлэх хүндлэх, өөрийгөө болон гэр бүлийн гишүүдээ танилцуулах мэдлэгийг эзэмшлээ.
2025.04.09
