Тус хэлтэс нь "Төрийн цахим үйлчилгээг олон нийтэд сурталчлан таниулах" ажлын хүрээнд Цахим хөгжил, харилцаа холбооны яамны хэрэгжүүлэгч агентлаг төрийн Цахим үйлчилгээний Зохицуулалтын газрын Баянхонгор аймаг дахь Төрийн Цахим үйлчилгээний хэлтэстэй хамтран 2023 оны 10 дугаар сарын 10-наас 11 дүгээр сарын 06-ны өдрүүдэд төрийн албан хаагчдад цахим ур чадварын мэдлэг олгох болон Тоон гарын үсгийн хэрэглээг нэмэгдүүлэхэд чиглэсэн сургалт зохион байгуулахаар төлөвлөсний дагуу аймгийн Онцгой байдлын газар, Нийтийн номын сан,Тэмүүжин театр, Музей гэсэн байгууллагуудын албан хаагчдад ээлжилт сургалтыг зохион байгууллаа.
Төрөөс үзүүлж буй цахим үйлчилгээг олон нийтэд сурталчлан таниулах, төрийн цахим үйлчилгээний хүртээмжийг нэмэгдүүлэх, иргэдийн цахим ур чадварыг дээшлүүлэх, иргэний Тоон гарын үсгийн хэрэглээг нэмэгдүүлэхэд уг сургалтын зорилго чиглэгдсэн. Тус сургалтанд төрийн болон төрийн өмчид байгууллага, ерөнхий боловсролын сургууль, цэцэрлэг, орон нутагт үйл ажиллагаа явуулж буй томоохон аж ахуйн нэгж байгууллагын ажилтан, албан хаагчид хамрагдах юм. Уг сургалтын үр дүнд иргэдийн цахим ур чадвар дээшилж, Тоон гарын үсгийн хэрэглээ нэмэгдэж, улмаар цахим орчин дахь мэдээллийн аюулгүй байдлаа хамгаалах арга барилыг эзэмших юм.
