Баянхонгор: 19 СУМ СУУРИН ГАЗАРТ ИРГЭДЭД ТӨРИЙН ҮЙЛЧИЛГЭЭГ ТЭГШ ХҮРТЭЭМЖТЭЙ ХҮРГЭХ ӨДӨРЛӨГИЙГ ЭНЭ САРЫН 26-30-НЫ ХООРОНД ЗОХИОН БАЙГУУЛНА
Аймгийн Засаг даргын чиглэл болгосноор иргэдэд төрийн үйлчилгээг түргэн шуурхай, тэгш хүртээмжтэй хүргэх, олон шатлалт үйлчилгээг цогцоор нь авах боломжийг бүрдүүлэх, төрийн байгууллагуудын үйл ажиллагааг сурталчлах, тайлбарлан таниулах, шинэ тутам мэдээ мэдээлэл, хууль тогтоомжийг таниулан, зөвлөн туслах, иргэдийн санал хүсэлтийг газар дээр нь сонсох, асуудлыг шийдвэрлэх, өвөлжилтийн бэлтгэл ажилтай танилцах зорилгоор төрийн үйлчилгээний өдөрлөгийг энэ сарын 26-30-ны хооронд аймгийн хэмжээний 19 сум суурин газарт зохион байгуулах тов гарлаа.
Тус өдөрлөгийн хүрээнд
- Аймгийн Засаг даргын Тамгын газар
- Онцгой байдлын газар
- Мал эмнэлгийн газар
- Хүнс, хөдөө аж ахуйн газар
- Хөдөлмөр, халамж үйлчилгээний газар
- Боловсрол, шинжлэх ухааны газар
- Улсын бүртгэлийн хэлтэс
- Газрын харилцаа, барилга, хот байгуулалтын газар
- Эрүүл мэндийн даатгалын хэлтсийн бүрэлдэхүүнүүд хариуцсан чиглэл тус бүрээр орон нутагт төрийн ажил үйлчилгээ, зөвлөн туслах үйлчилгээг үзүүлэх юм
