Хууль зүй, дотоод хэргийн сайд Х.Нямбаатараар ахлуулсан ажлын хэсэг Өвөрхангай, Баянхонгор аймгуудад 2022 оны 03 дугаар сарын 1, 2-ны өдрүүдэд ажиллалаа. Хөтөлбөрийн дагуу Баянхонгор аймаг дахь харъяа агентлаг, байгууллагынхаа нэгжийн удирдлага, албан хаагчидтай уулзалтыг хийж алба хаагчдын асуултад хариулж, санал бодлыг сонслоо.
Түүний дараагаар харъяа байгууллагуудын албан хаагчдын нийгмийн асуудлыг шийдвэрлэж өргөө цагаан гэрийг гардуулж ажлын амжилтыг хүсэн ерөөлөө. Мөн байгууллагуудын албан байр, үйл ажиллагаатай танилцаж тулгамдсан асуудлуудыг шийдвэрлэлээ.
Тус хэлтсийн үйлчилгээний зааланд Улсын бүртгэлийн үйлчилгээний цахим машиныг /киоск/ байршуулснаар иргэд үйлчлүүлэгчид өөрийн биеийн давхцахгүй өгөгдлийн бүртгэлээрээ дамжуулан иргэний бүртгэлийн 12, хуулийн этгээдийн бүртгэлийн 3, эд хөрөнгийн бүртгэлийн 3 төрлийг лавлагааг бүртгэлийн нэгжид дугаарлахгүй, заавал албан хаагчтай харьцахгүйгээр авах боломжтой боллоо.
Сайдаас хэлтсийн албан байрны нөхцөл байдлыг газар дээр нь үзэж танилцсанаар барилгын засварын ажил, архивын нягтруулсан шүүгээ, хэлтсийн албаны автомашиныг шинэчлэх асуудлуудыг шийдвэрлэхээр боллоо.
Тус ажлын хэсэгт Улсын бүртгэлийн Ерөнхий газрын дарга Д.Дэлгэрсайхан ажилласан бөгөөд Баянхонгор аймаг дахь Улсын бүртгэлийн хэлтсийн албан хаагчидтай уулзалтыг хийж байгууллагын бодлого, үйл ажиллагааг танилцуулан хамт олны цаашдын ажил, амьдралд сайн сайхныг хүсэн ерөөлөө.
