“Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох нь” төслийн хүрээнд улсын бүртгэлийн үйлчилгээг түргэн шуурхай чирэгдэлгүй, зардал багатайгаар авах нөхцлийг бүрдүүлэн 2018- 2020 онд Баянхонгор аймгийн 20 сум Улсын бүртгэлийн мэдээллийн онлайн сүлжээнд амжилттай бүрэн холбогдсон. Үүнтэй холбогдуулан тоног төхөөрөмжийн шинэчлэлийг БНСУ-ын Солонгосын олон улсын хамтын ажиллагааны байгууллага буюу КОЙКА-гийн хөрөнгө оруулалтаар хийж байгаа бөгөөд сумдын иргэний улсын бүртгэгч нарт компьютер, 3 үйлдэлт принтер, хурууны хээ уншигч, зургийн аппарат зэрэг иж бүрэн тоног төхөөрөмжийг хүлээлгэн өгч суурьлуулах, тоног төхөөрөмжийг сүлжээнд холбон тохиргоог хийх ажлыг сумдад 2021 оны 09 дүгээр сарын 20-иос 24-ний өдрүүдэд зохион байгуулан ажиллаж байна. Хамтран ажилласан байгууллага хамт олонд талархал илэрхийлье.
